Hariharan

Lyrics In Hindi :-

बाल समय रवि भक्षि लियो तब
तीनहुँ लोक भयो अँधियारो
ताहि सों त्रास भयो जग को
यह संकट काहु सों जात ना टारो
देवन आनि करी बिनती तब
छाँड़ि दियो रवि कष्ट निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

बालि की त्रास कपीस बसै गिरी
जात महाप्रभु पंथ निहारो
चौंकि महामुनि श्राप दियो तब
चाहिये कौन विचार विचारो
कै द्विज रूप लिवाय महाप्रभु
सो तुम दास के सोक निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

अंगद के संग लेन गये सिय
खोज कपीस यह बैन उचारो
जीवत ना बचिहौ हम सो जु
बिना सुधि लाए इहा पगु धारो
हेरि थके तट सिंधु सबै तब
लाय सिया सुधि प्राण उबारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

रावन त्रास दई सिय को सब
राक्षसि सों कहि सोक निवारो
ताहीं समय हनुमान महाप्रभु
जाय महा रजनीचर मारो
चाहत सीय असोक सों आगि सु
दै प्रभु मुद्रिका सोक निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

बान लग्यो उर लछिमन के तब
प्राण तजे सुत रावन मारो
लै गृह बैद्य सुषेन समेत
तबै गिरि द्रोन सु वीर उपारो
आनि सजीवन हाथ दई तब
लछिमन के तुम प्राण उबारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

रावन युद्ध अजान कियो तब
नाग कि फाँस सबै सिर डारो
श्री रघुनाथ समेत सबै दल
मोह भयो यह संकट भारो
आनि खगेस तबै हनुमान जु
बंधन काटि सुत्रास निवारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

बंधु समेत जबै अहिरावन
लै रघुनाथ पाताल सिधारो
देविहिं पूजि भली विधि सों बलि
देउ सबै मिलि मंत्र बिचारो
जाय सहाय भयो तब ही
अहिरावन सैन्य समेत संहारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!

काज कियो बड़ देवन के तुम
वीर महाप्रभु देखि बिचारो
कौन सो संकट मोर गरीब को
जो तुमसों नहिं जात है टारो
बेगि हरो हनुमान महाप्रभु
जो कुछ संकट होय हमारो
को नहीं जानत है जग में कपि
संकटमोचन नाम तिहारो !
संकटमोचन नाम तिहारो !!
संकटमोचन नाम तिहारो !
संकटमोचन नाम तिहारो !!

Lyrics In English :-

Baal Samay Ravi Bhakshi Liyo Tab
Tinahu Lok Bhayo Andhiyaro
Tahi So Traas Bhayo Jag Ko
Yah Sankat Kahu So Jaat Na Taro
Devan Aani Kari Vinati Tab
Chhadi Diyo Ravi Kasht Nivaro
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!

Baali Ki Traas Kapis Basai Giri
Jaat Mahaprabhu Panth Niharo
Chauki Mahamuni Shraap Diyo Tab
Chahiye Kaun Vichar Vicharo
Kai Dwij Roop Liway Mahaprabhu
So Tum Das Ke Sok Niwaro
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!

Angad Ke Sang Len Gaye Siy
Khoj Kapis Yah Bain Ucharo
Jiwat Na Bachihau Hum So Ju
Bina Sudhi Laye Eha Pagu Dharo
Heri Thake Tat Sindhu Sabai Tab
Lay Siya Sudhi Praan Ubaro
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!

Ravan Traas Dai Siy Ko Sab
Rakshsi So Kahi Sok Niwaro
Tahi Samay Hanuman Mahaprabhu
Jaay Maha Rajnichar Maaro
Chahat Siy Asok So Aagi Su
Dai Prabhu Mudrika Sok Niwaro
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!

Baan Lagyo Ur Lakshiman Ke Tab
Pran Taje Sut Ravan Maro
Lai Grih Vaidh Shushen Samet
Tabai Giri Dron Su Veer Uparo
Aani Sajeevan Hath Dayi Tab
Lakshiman Ke Tum Pran Ubaro
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!

Ravan Yuddh Ajaan Kiyo Tab
Naag Ki Faas Sabai Sir Daaro
Shree Raghunath Samet Sabai Dal
Moh Bhayo Yah Sankat Bharo
Aani Khages Tabai Hanuman Ju
Bandhan Kati Sutraas Niwaro
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!

Bandhu Samet Jabai Ahiravan
Lai Raghunath Patal Sidharo
Devihi Puji Bhali Vidhi So Bali
Deu Sabai Mili Mantra Vichaaro
Jaay Sahaay Bhayo Tab Hi
Ahiraavan Sainya Samet Sanharo
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!

Kaaj Kiyo Bad Devan Ke Tum
Veer Mahaprabhu Dekhi Vicharo
Kaun So Sankat Mor Garib Ko
Jo Tumso Nahi Jaat Hai Taaro
Begi Haro Hanuman Mahaprabhu
Jo Kuchh Sankat Hoy Hamaro
Ko Nahi Janat Hai Jug Me Kapi
Sankat Mochan Naam Tiharo !
Sankat Mochan Naam Tiharo !!
Sankat Mochan Naam Tiharo !
Sankat Mochan Naam Tiharo !!